ინტერნეტ-პორტალი www.legaleducation.ge არის ინტერნეტ სივრცე, სადაც განთავსებულია ინფორმაცია იურიდიული განათლებით დაინტერესებული პირებისათვის, მათთვის ყველა მნიშვნელოვან საკითხზე, როგორიცაა:  უმაღლესი იურიდიული განათლების საკანონმდებლო  ბაზა, საქართველოში აკრედიტირებული ყველა იმ უმაღლესი სასწავლებლის მონაცემთა ბაზა, რომელსაც იურიდიული  ფაკულტეტი გააჩნია (ან ჰუმანიტარული ფაკულტეტი, რომლის ერთ-ერთ მიმართულებასაც იურიდიული სწავლება წარმოადგენს), აქვე არის ინფორმაცია სტიპენდიების შესახებ, რომლიც ქართველ სტუდენტებს და დაინტერესებულ პირებს საშუალებას აძლევს, გააგრძელონ სწავლა უცხოეთის სასწავლებლებში სამართალმცოდნეობის მიმართულებით.

 

ამ პორტალის  მეშვეობით, თქვენ შეგიძლიათ ადგილზე მიუსვლელად შეხვიდეთ ახალგაზრდა იურისტთა ასოციაციის იურიდიული ბიბლიოთეკის ელექტრონულ კატალოგში და მიიღოთ ინფორმაცია სამართლის ნებისმიერ დარგში არსებული ლიტერატურის შესახებ როგორც ქართულ, ასევე ინგლისურ, რუსულ, ფრანგულ და გერმანულ ენებზე. ასევე, დაინტერესების შემთხვევაში, ადგილზე მისვლით ისარგებლოთ წარმოდგენილი ლიტერატურით. საიტის საშუალებით თქვენ შეიტყობთ უახლეს ინფორმაციას იურისტთა ასოციაციის მიერ დაფუძნებული იურიდიული  განათლების ხელშეწყობის ფონდის მიერ ორგანიზებული კურსების შესახებ სამართლის სხვადასხვა დარგში.